Pelşin Çetinkaya

 

ÊLIH - Belgeyê ke Merkezê Xizmetê Ewnîyayîşî de ameyî cipersayîş de, qeydanê defterî de, dayeyê ke 29 kesî merkez de dinyaya xo bedelnayî ca gênê.

 

Derheqê îdîayê desteştiş, îşkence, merdişê biguman û ewnîyayîşê cîyayê ke Merkezê Ewnîyayîşî yê Şifa yê Elihî ke semedê nêweş, astengdar û pirî û kalan xizmet dayîne de ameyî ciwîyayîş, operasyonêk hîra pê ame û dimayê operasyonî 16 kes ameyî tepiştiş.

 

Rojê vîyarteyî de dîmenê îşkenceyî yê merkezî, delîlê derheqê desteştişî de, nuştişê îfadeyan ê ke dosya de ca girewtî, belgeyê fermî û nuştişê mîyanê sazîyan de û qiseykerdişê xebatkarê merkezî yê whatsappî ser o vejîyabîyî orte.

 

Merkez de 29 kesî dinyaya xo bedelnayî

 

Goreyê dayeyê ke ma xo resna, belge û dokumanê ke ameyî bidestkerdiş de qeydê defterî ame cipersayîş. Goreyê qeydanê defterî merkezî de bi pêroyî 29 kesî dinyaya xo bedelnayî. Nê kesan ra 3 nêweşxane de, yew keyeyê xo de, 29 kes zî merkez de dinyaya xo bedelnayî.