MERKEZÊ XEBERAN - Kongra Starî ya Eyn Îsa bi eşkerayîyêke bombavaranê artêşa tirkan ê serê dewa El Cemasî ya Eyn Îsayî şermezar kerd û venga rêxistinê merdiman kerd ke peynîya sûcan bîyarê.

 

Eşkerayîye hetê îdarekara Kongra Star Hedla Hec Muslim ra verê Nêweşxaneyê Şehîd Omer Elûş ê merkezê bajarî ra bi amadebîyayîşê bi desan welatijê bajarî ra ame wendiş.

 

Eşkerayîye de ame vatiş: 

 

"Hêrişê dewleta tirkan yê serê herêmê Vakur û Rojhelatê Sûrîye û bombavaranê dewan ser, keyeyê sivîlan û cayê cuye, rojane benê sebebê şehîdan û birîndarbîyayîşê sivîlan. Ma venga rêxistinê merdiman û heqê merdiman kenê ke nê çîyan bi belge bikerê û pêşkêşê sazgehê wezîfedaran ê Neteweyê Yewbîyaye bikerê berpirsê înan bêrê muhakemekerdiş."

 

Vizêrî artêşa tirkan û çeteyê ci baregehê xo yê dewa Şergirakî ya îşxalkerdeye de, keyeyê welatijê bi nameyê Xalid El Hisên ê dewa El Cemasî ya Eyn Îsayî topvaran kerdibî û netîce de 2 tutê bi nameyê Asya Hemed El Hisên (12 serrî), Ebdulrehman Îsmaîl El Hisên (6 aşme) şehîd nîyî û Arec Xalid El Hisên (20 serre) birîndar bî.