STENBOL - Rojnamegera Eylem Babayîgît ke bi îdiayê “endamîya rêxistine” amebî tepiştiş, venga paştdayîş kerd û var: “Kedkarê Çapemenîya Azade teber zî do binusê. Şima zî bibê vengê teberî.” 

 

Rojnamegere Eylem Babayîgît çarçewaya cipersayîşê Serdozgerîya Komare ya Stenbolî de 22yê çeleyî de ameye destbendkerdiş û 24ê çelî de bi îdiayê “endamîya rêxistine” amebî tepiştiş. Eylem Babayîgît, bi rayîrê avûkatê xo mesajêk şirawit. 

 

Eylem Babayîgît ke Zîndanê Cinîyan ê Bakirkoyî de yena tepiştiş, bi rayîrê avûkatê xo nê mesajî şirawit: “Semedê qelema rojnamegeran erd de nêmano, ganî her ciwanêk kurd xo sey generalê qijî yê Apê Mûsa biresnê. Ganî her cinîya ciwane serê rayîrê Gurbetellî Ersoze de bo û mîrasê aye dewr bigîro. Sey kedkarê Çapemenîya Azadîye yê tepişteyî, ma do zere de zî binusê. Nê muhakemekerdiş û tepiştişê bêhuqûqî nêeşkenê peyser game bidê eştiş. Şima zî bibê vengê teberî.” Eylem Babayîgît, tewr peyîn mesajê paştdayîşî da.