Gulîstan Gulmuş

 

ŞIRNEX - Qetilkerdişê Pakîze Nayir ser o 9 serrî derbaz bî la têkoşînê aye dewam keno. Dayîka aye Behîye Nayir da zanayîş ke badê Pakîze Nayir, aye têkoşînê aştî û yewîye dewr girewta û wina vat: “Semedê aştî û yewîye çi hewce bo, ma amade yê. Mi dejê Pakîze ant, wa dayîkê bînî dejê tutanê xo nêciwîyê.”

 

Qedexeyê vejîyayîşê teberî yê 14ê Kanûna 2015ine de Sîlopî û Cizîrê Şirnexî ame îlankerdiş û 2yê Adara 2016ine de peynî bî, 9 serrî derbaz bî. Prosesê  qedexeyê tebervejîyayîşê kuçeyan de xeylêk kesî dinyaya xo bedelnayî û texrîbatê pîlî ameyî ciwîyayîş. Pêwa 9 serrî derbaz bî, dej hema taze yo. Yew kesa ke nê prosesî de bedel da Pakîze Nayir bî.

 

Dayîka Pakîze Nayir, Behiye Nayir qisey kerd û da zanayîş ke ê rêça kênaya xo de têkoşînê semedê aştî û têduştî kenê. Behîye Nahir 9ine serrgêra kênaya xo Pakîze Nahir de JINNESî rê qisey kerd.

 

‘Wexto ke mi agahî kênaya xo ra girewt ez hişê xo ser şîya’

 

Behîye Nahir derheqê kênaya aye senî ameya qetilkerdiş de qisey kerd û vat: “Mi merdişê Pakîze televîzyon de eşnawit. Şewa serra neweyî de mi gêra û serrneweyê mi pîroz kerd. Badê serrneweyî şewêke ancî gêra û vat; ‘şer nêmendo ma kîşte parlamenteran de yê’. O wext ma aşma Remazanî de bî. Ma wuştî sihor. Ma televîzyon akerd. Mi fotografê aye dî. Vatêne agahî Pakîze, Sêvê û Fatma ra nêgînê. Ma şan de şehadetê înan musay. Wexto ke mi agahîya kênaya xo girewte, ez hişê xo ser şîya.”

 

‘Destê înan de çeke çinîbî’

 

Behîye Nahir wina dewam kerd: “Ma Pakîze û hevalanê aye yewbînan ra cîya nêkenê. Ma merdimê başî bî, welatperwer bî. Ê xebatanê rêxistinkerde de şuxilyayîne. Semedê huqûq û edaletî, semedê demorkasî xebitîyayîne. Tutanê ma ra vatî ‘terorîst’. Tutê ma terorîst nîyê. Semedê herra xo têkoşîn kerdêne. Destê tutanê ma de çek çinbî. Semedê aştîye têkoşîn kerdêne.”

 

‘Wa dayîkê bînî dej nêancê’

 

Behîye Nahir tewr peyîn wina vat: “Semedê nasnameyê ma, bi serran o zulm ma rê kenê. Mi  têkoşînê kênaya xo dewr girewt. Ganî meseleya kurdî bêro çareserkerdiş. Çareserî zî bi Abdullah Ocalanî mumkin a. 40 serrî yo ma nê zulmî ciwîyenê. Mi mîyanê dayîkê aştîye de ca girewt. Badê Pakîze tewrê xebatan bîya. Semedê aştî ma amade yê. Mi dejê kênaya xo ant, wa dayîkê bînî nêancê.”