MERKEZÊ XEBERAN - Şerwanê HSD û YPJyî hemverê hêrişanê dewleta tirkan û koma aye ya paramîlîter SMOyî xo ver danê û şarê Kobanê zî semedê HSD û YPJyî bi pêro îmkananê xo seferber bîyî. 

 

Hêrişê dewleta tirkan û komê aye yê paramîlîter SMOyî yê ke hemverê Awbendê Tişrînî û derûdorê Pirda Qereqozaqî bêmabên dewam kenê. Şerwanê Hêzê Sûrîyeya Demokratîke (HSD) û Yewîneyê Pawitişê Cinî (YPJ) zî hemverê hêrişan de xoverdayîşêk tarîxî mojnenê. Qismêk şarê Kobanê ser bingehê xopawitişî de çekan girewtî û qismêk ci zî semedê şerwanan xo ver danê, werd hadre kenê. 

 

Goreyê xebera ANHAyî; komûnê taxan yê Kobanê bi viraştişê werdê germî, paştdayîş danê şerwanan. Endamê komûnan, 8ê kanûna 2024ine roja hêrişê Tişrîn û Qereqozaqî ser o dest pêkerdî heta nika semedê şerwanan werd amade kenê. Komûna Şehîd Fîras ke 25 keyeyî endamê ci yê, werdê ke hadre kenê û şerwanan rê vila kenê.