ANQARA- Heyetê Îmraliyî yê DEM Partîye vîzêrî Serekê Meclîsî û Serekê Peroyî yê MHPyî dir pêvînayiş kerd. Programê heyete ê serdayîşê partîyanê bînan zî dîyar bî.

 

Heyetê DEM Partîye ê zîndanê Îmralîyî Rayberê PKKyî Abdullah Ocalanî dir pêvînayîş kerd û dima ra qerar da ke şêrê serdayîşê partîyanê sîyasîyan. Programê heyetî yê serdayîşê partîyanê bînan zî dîyar bî.

 

Heyetê Îmraliye yê DEM Partîye bi Serekwekîlê Meclîsê yê DEM Partîye Sirri Sureyya Onder, Parlementere Pervîn Buldan û sîyasetmedar Ahmet Turkî ra yeno meydan. Heyet 6ê Çeleyî de şinê serdayîşê Serekê Pêroyî yê Partîya Gelecekî, Partîya AKP û Partîya Saadetî, 7ê Çeleyî de zî şinê Partîya Yenîden Refahî û DEVAyî.

 

DEM Partîye eşkerakerdişê xo de seba programê xo yê nê hewteyê vêrnîya ma wina vat:

 

“Bernameyê serdayîşî yê heyetê ma yê hewteyo bêro de wina yo:

 

*6ê Çeleyî roja dişeme 

 

11.00 – Serekê Pêroyî yê Partîya Gelecekî. Ca: Merkezê Pêroyî yê Partîya Gelecekî

 

13.30 – Heyetê AKPtî yê bi Serekîya Abdullah Guler. Ca: TBMM

 

15.30 – Serekê Pêroyî yê Partîya Saadetî. Ca: Merkezê Pêroyî yê Partîya Saadetî.

 

* 7ê Çeleyî roja sêşeme

 

13.00 – Serekê Pêroyî yê Partîya DEVAyî Alî Babacan. Ca: Merkezê Peroyî yê Partîya DEVAyî.

 

15.30 – Serekê Pêroyî yê Partîya Yenîden Refahî Fatîh Ebakan. Ca: Merkezê Pêroyî yê Partîya Yenîden Refahî.”