Mîdye Miqted

 

HELEB - Cinîyê Helebî hemverê hêrişê HTŞyî yê bawerîyê cîya ser o qisey kerdî û vatî: "Reya yewin o ke perçeyêk cografyaya Sûrîye de bi xêrê felsefeya netewa demokratîke, cuya azad û têduştî mîyanê dîn û pêameyan de ameyo roniştiş. Yew zî armancê hêrişê çeteyan zî peynîkerdişê nê sîstemî yo.

 

Badê HTŞ kewt Sûrîye û rejîmê Baasî kewt hêrişê dîn û şarê cîya rê zî ancî xidarî dewam kerd. Cinîyan reaksîyon vera hêrişan mojnayî û vatî armanc o yo ke sîstemo têduşt vînî bikero.

 

'Wazenê sîstemê têduştî peynî bikerê’

 

Roşîn Mûsa da zanayîş ke encax bi felsefeya netewa demokratîke peynîya no sîstem û zihniyetê durî îslamê rastî bêro û wina dewam kerd: "Reya yewine yo ke perçeyêk cografyaya Sûrîye de bi xêrê felsefeya netewa demokratîke, cuya azade û têduştî mîyanê dîn û pêameyan de ameyo roniştiş. Yew armancê hêrişê çeteyan zî peynîkerdişê nê sîstemî yo."

 

'Ma do bibê pawitoxê dînê xo’

 

Roşîn Mûsa venga welatanê mîyanneteweyan kerd ke bi wezîfeyê xo wurzê û wina dewam kerd: "Venga ma semedê dewletê mîyanneteweyî est o ke vernîya nê komê çeteyan padê û heqê pêro dîn û baweriyan bipawê. Ewro ma venga wayê û biratîya şaran danê ke yewbîyayîşê şaran bêro awankerdiş û ma sey bawermendê dînê êzdî ma do timî bibê pawitoxê dînê xo ke reyke bîn nêkewê binê ferman û qirkerdişan."

 

'Zihnîyetê DAÎŞî gane kenê'

 

Eynî wextî de pêameyê elewî ra Lewend Muse zî wina qalî kerd: "Ez pêameyê elewî ra ya û ez zî bi dînê xo xeylêk keyfweş a. Bawerîya elewî, vejîyayîşê ci rêjîmê Bassî dir nêame awankerdiş, bawerîyêka wayîrê tarîxêk derg a. Çeteyê HTŞyî, şero tewr giran dînî ser û bawerîyê ke na cografya ser o de yê kenê. Yew zî a bawerî ke vera ci şer yeno kerdiş; elewitî yo. Bi hêrişê her bawerî ser o zihnîyetê DAÎŞî gane kenê.

 

'Ganî ma bi hawayêk azad biciwîyê'

 

Peynîya qiseykerdişê xo de Lewend Muse dîyar kerd ke ê azadî û têduştî wazenê û vat: “Ma sey pêameyê elewî, venga azadîye kenê. Ewro ma qetilkerdişê elewîyan şermezar kenê. Nê çeteyî cinîyan kişenê, tecawuzê înan kenê. Pêmawitê merdimayî û îslamo raşt înan dir çin o û hema zî ma ra vanê şima gawir ê. Ma goreyê pêmawitişê îslamo raşt ciwîyenê. Ganî ma bi hawayêk azad û têduştî pêro pîya biciwîyê û nê kiştişî werte ra bêrê wedaritiş.”