Neslîhan Kardaş 

 

WAN - Serdî dir problemê weşîye zî rî danê û nê semedî ra welatijî zî verê xo danê beharatroşan. Yew nêweşîyêka tewr zêde yena vînayîş, şewbeyê serdî yo. Hemverê nê de şar; çay û nebatê xozayî  tercih keno.

 

Serdî dir eleqeyê semedê beharatroşan zêde beno. Şar semedo ke xo nêweşîyê şewbî, serdî ra bipawê çayê nebatan tercîh kenê. Pêwa eleqeyê semedê beharatroşan, vayîya çayê organîk zî bale ancena.

 

Vayîya ixlamûrî 2 hezar lîra ya

 

Yew nebata xozayî ke tewr zêde yena tercîhkerdiş şilik a. Vayîye şilike 100 TL ya. Ixlemûrî zî mabêne hezar û 750 û 2 hezar TLyî vuryeno. Beharatroşan dîyar kerd ke ameyîşê zimistanî dir eleqeyê semedê nebatan zaf zêde beno û semedê serdî nêweşî tewir bi tewir rî danê. Merdim semedê têkoşînê hemverê nê nêweşîyan çayê nebatan tercîh kenê. Bi tewrbîyayîşê xeylêk nebatan çayê zimistanî yenê hadrekerdiş û nê semedê kuxik û enfeksyonî xeylêk baş yenê.

 

Êdî kêmî yenê rotiş

 

Krîzê ekonomî ke tesîr her wareyê cuye ser o kerdo, tesîr beharatroşan ser o zî kerdo. Nebatê xoza ke verê bi poşetan ameyîne girewtiş, nika bi gramaj yenê girewtiş. 

 

Semedê nêweşîyan şîfa yê

 

Goreyê agahîyê ke ma beharatroşan ra girewt, derman û şifayê nêweşîyê serdî, nebat ê. Tarçin, zencefîl, havlican, qerenfîl, îsoto sîya, pê dir bêrê girnayîş, semedê şewbî xeylêk baş ê û dejî rê derman ê.