MERKEZÊ XEBERAN - TJAyî reaksîyon vera hêrîşê çeteyê SMOyî yê hemverê Vakur û Rojhelatê Sûrîye û hedefgirewtişê cinîyan mojna û semedê Sûrîyeyêke demokratîke, têduşt û azade venga têkoşîn û pêgirewtişê cinîyan kerd. 

 

Têgêrayîşê Cinîyanê Azadan (TJA) derheqê desteştiş, kiştiş û remnayîşê cinîyan hetê Artêşa Millî ya Sûrîye (SMO) ya girêdayeyê Tirkîya ya, eşkerayîyêke nuşteyî da. Eşkerayîye de ame dîyarkerdiş ke Şerê Dinya yê 3ine Rojhelatê Mîyanên de dewam keno û polîtîkaya şerî de prosesêk newe ameyo destpêkerdiş.

 

TJAyî eşkerayîye de wina vat, "SMO û yê ke destek danê ci, do nêeşkê vernîya cinîyanê azadan û demokratîke pado. Ma do her tim têkoşînê cinî bipawê. Ma têkoşînê cinîyanê pêro şarê Sûrîye ke hemverê rejîmê Esadî, çeteyê cîhadî û îqtîdarê ke semedê berjewendîyê xo Rojhelatê Mîyanên ra antî mîyanê şerî, kuçeyan, barîkatan, zindanan û keyeyan de bi rêxistin kerdî, xo ver dayî, silam kenê. Ma pêro cinîyan xoverdayîşê xoîdarekerdişî de dinyaya xo bedelnayî, bi rêzdarî yad kenê. Ma venga pêro cinîyan kenê ke semedê Sûrîyêke demokratîke, azad û têduştî têkoşîn bikerê û bibê yew.”