WAN - Kurdîgehî venga organîzekerdişê kongreya demêk nêzdî de bikerê, kerd û vat, "Ganî ma pêro wareyê cuye açarnê mektebanê kurdkî û bi têkoşîn ziwanê xo yê dayîke bipawê."

 

Wan dw Kurdîgehî awanîya komeleyî de kombîyayîşêk çapemenîye organîze kerd û venga beşdarbîyayîşê kongreya xo kerdî. Eşkerayîya ke hetê Komîsyonê Kongreya Kurdîgehî ra ameye kerdiş de pankartê “Her tim kurdkî, her cayî de kurdkî” ame akerdiş.

 

Nameyê komîsyonî ser o Behîce Çakir metnê eşkerayîye wend.

 

'Ma her wareyê cuye bikerê mektebanê kurdkî’

 

Behîce Çakir dîyar kerd ke şar bi ziwanê xo yê dayîke est o û vat: "Semedê nê ganî ma sazgeh tena nê, rêxistin, eynî wextî de pêro wareyê cuye de açarnê mektebanê kurdkî  û bi têkoşînê ziwanê xo yê dayîke bipawê."

 

'Ma dorê Kurdîgehî de bibê yew'

 

Behîce Çakir venga beşdarîyê kongre kerd û vat: “Ma demêk nêzdî de kongreya Kurdîgehî organîze bikerê. Ma venga her kesê ke semedê ziwanê xo yê dayîke têkoşîn keno û wazeno ziwanê xo bipawê ke dorê Kurdîgehî bibê yew. Bêrê ma ziwanê xo yê dayîke bipawê û ala ziwanê xo yê dayîke berz bikerê.”