STENBOL - Goreyê raporê ÎSÎGî, aşma teşrîna peyêne de tewr tay 164 karkerî, cînayetê karî de dinyaya xo bedelnayî.

 

Meclîsê Weşîye û Asayîşê Karî (ÎSÎG) raporê xo yê derheqê cînayetê karî yê aşma teşrîna peyêne eşkera kerd. Goreyê raporî; teşrîna peyêne de tewr tay 164 karkerî û 10 aşmê vernî yê serre de zî tewr tay hezar û 708 karkerî cînayetê karî de dinyaya xo bedelnayî. Aşma teşrîna peyêne de 10 ci ra cinî, 7 ci ra tutî û 9 ci ra zî multecî bi pêroyî 164 karkerî cînayetê karî de dinyaya xo bedelnayî.