MERKEZÊ XEBERAN -Dayîka Rûşen Bayer ke zîndanê Tekîrdagî de esîr amebî girewtiş, Zeynep Bayer dinyaya xo bedelnaye. Zeynep Bayer cuya xo bi têkoşîn û xoverdayîşê hemverê binpaykerdişê heqan derbaz kerd.

 

Dayîka tepişteya bi nameyê Rûşen Bayer ke zîndanê Tekîrdagî de cezaya muebbetî ci rê amebî birnayîş lê Zeynep Bayer vizêrî semedê krîzê qelbî dinyaya xo bedelnaye. Zeynep Bayer dewa Boyaca ya Mêletî de ameye definkerdiş.  

 

Zeynep Bayer serra 2019ine de beşdarê nobeta ke tepişteyan semedê wedaritişê tecrîdê Rayberê PKKyî Abdullah Ocalanî ser o 9ê Nîsane de zîndanê Tîpê Myê Gebzeyî dabî destpêkerdiş bî. Zeynep Bayer û 12 cinî verê Zîndanê Padeyeyê Tîpê Myê Gebzeyî de hetê polîsan ra bi tedayan rî bi rî mendebî.

 

Zeynep Bayer ke cuya xo bi têkoşînê hemverê binpaykerdişê heqê merdiman derbaz kerd, sey yew nameyê sembolîkî yê hemverê şîdetê dewleta camêrdî bî.