AMED - Mudirîyê Xizmetê Cinî û Keyeyê Şaredarîya Peyasî semedê cuya cinîyan asan bibo, kursê meslegî yê Bazarê Keda Cinî û Keyeyê Zanayîşî yê Aştîye akerd.

 

Şaredarîya Peyasî semedê bibê wayîrê meslegî, wareyê ekonomî de cinî linganê xo ser de bê, Mudurîyê Xizmetê Cinî û Keyeyî dir xebatanê xo dewam kena. Bazarê Keda Cinî û Keyeyê Zanayîşî yê Aştîye de xeylêk cinî qursê hunerê destan û deştişî de perwerde vînenê û berardiş kenê. Cinî bi meslegê xo çîyo ke berardiş kenê, çalakîya Keda Cinîyan ê hetê şaredarî ra yenê organîzekerdiş de berardişê xo roşenê û destekê ekonomîya keyeyî kenê.