KJK: Ma qonaxêk krîtîk de yê, ganî Rayber azad bibo 

2026-02-26 15:43:12


	 

	MERKEZÊ XEBERAN - Kordînasyonê KJK’yî bi munasebetê serrgêra vengdayîşê 27ê sibate ya yewine ya Rayberê Şarê Kurdî Abdullah Ocalanî eşkerayî daye û vat ke proses resayo “daraxêko krîtîk” û wina vat: “Ganî Raybertî bi hewayêko fîzîkî azad bibo û bieşko bi hewayêko azad sîyaset bikero.”

	 

	Kordînasyonê KJK’yî dîyar kerd ke prosesê aştî û komelê demokratîkî resayo daraxêko krîtîk û îfade kerd ke problem pê çend qanûnan nêyeno çareserkerdene.

	 

	Eşkerayî de wina ame vatene;

	 

	“Rayber Apoyî bi hêzê sîyasetê xo yê demokratîkî prosesê herêma ma bi hostatîye wend û nameyê şaranê bindest, sinif û cinîyan ser o gama tarîxî eşte. Na game tena mudaxeleyê prosesê ewroyênî nîya, eynî wextî de mudaxeleyê seserranê ameyoxan o zî.

	 

	Emser Rayber Apoyî seba aştî kedêka bêemsale daye. PKK’yî kongreya xo ya 12. de bi îradeyê Rayber Apoyî qerarê fesihî da, 11ê temmuze de 30 şervanan çekê xo veşnayî û hêzî Vakurî ra apey ameyê antene. No serkewtiş bêşik serkewtiştê Rayber Apoyî yo.

	 

	Proseso nikayin resayo merheleya huqûqî û daraxê krîtîk de yo. Meseleyê kurdan sey babetêka terorî pênasekerdene û tay qanûnanê reyde çareserkerdiş nêbeno. Ganî dewlete û temsîlkarê sîyasetî hîna aqilane û stratejîk nêzdî bibê. Aştî ganî bêra komelkîkerdene û ma venga heme kedkar, roşnvîr û cinîyan danê ke keda aştî û demokrasî hîna girs bikerê.

	 

	Bêrê ma serra dîyine ya vengdayîşê Aştî û Komelê Demokratîkî bivurnê bikerê serra azadîya fîzîkî ya Rayber Apoyî. Ma prensîbanê hêvî, hêvî ra bikerê heqîqet.”