Neslîhan Şedal: Do komunê cinîyan bêrê awankerdiş 2025-11-15 10:52:27   Oznûr Deger   WAN - Hemsereka GABBî Neslîhan Şedal derheqê bajarê cinîyan de qisey kerd û ard ziwan ke bajarê cinîyan gamê radîkalbîyayîşê demokrasî yê û wina va: “Bajarê azadîwaz ê cinîyan, prosesêkê sîyasî yo ke problemî rê çareserî virazeno û hîyerarşî çin o, îdeolojîya cinsperestî û serdestî çin o.”   Demokratîkbîyayîşê îdarekarîyê herêmî, çareserkerdişê fehmê mêrde ra derbas beno û bajarê cinî yê newe yenê viraştiş zî cinîyan rê wareyê azadîye pêşkêş kenê. Şaredarîya Partîya Têduştî û Demokrasî (DEM Partî) qerar girewt ke Amed, Nisêbîn, Gever, Artemêt û Cizîre bikerê bajarê cinîyan.   Hemsereka Yewîya Şaredarîya Başûrê Rojhelatê Anatolyayî (GABB) û hemşaredara Bajarê Girdî yê Wanî Neslîhan Şedal bajarê cinîyan qal kerd.   Neslîhan Şedal ard ziwan ke bajarê cinîyan cayo ke polîtîkayanê azadî yenê viraştiş, cinî eşkenê qiseyê xo vajê û va: “Bajarê cinîyan cayo ke cinî bi rengê xo mekanîzman de aktîf ca gênê. Rastîya ci ya tarîxî zî est a. Komelbîyayîşê ewiline de cinîyan cinîyan rê serkêşî kerd. Cinî hêzê serkêşî bîy. Rastîyêk sîyasî babeta qiseykerdişî bî.”   Rastîya tarîxî   Neslîhan Şedal wina dewam kerd: Ma bi rastîyêk ke sîstem cuya azad ê cinîyan hedef girewto dir rî bi rî yê. Yê nika cuya komelî tengezar kerdêne zî heme fehmê yewbînan ê. Ma nê mîtolojî û tarîx de zî vînenê. Mîtolojî nîşanê ma dano ke cayê ciwîyayîşê cinî yeno çinkerdiş. Birêz Abdullah Ocalan na nokta de her wext ercnayîş keno.”   ‘Bajarê azadîwaz ê cinîyan yeno çi manayî?’   Neslîhan Şedal dewam de wina qal kerd: “Bajarê cinîyan yeno çi mana? Rastîya tarîxî babeta qiseykerdişî ya û ma nika bi viraştişê bajarê cinîyan çi armanc kenê? Bajarê azadîwaz ê cinîyan, prosesêk sîyasî yo ke problemî rê çareserî virazeno û hîyerarşî çin o, îdeolojîya cinsperestî û serdestî çin o. Ma hemverê cayê ke fehmê mêrde virazîyayo, cayê azadîwaz ê cinîyan kenê cuye.”   ‘Bajarê cinîyan gamê radîkalbîyayîşê demokrasîyî yo’   Neslîhan Şedal dîyar kerd ke înan bajarê cinîyan sey gamê radîkalbîyayîşê demokrasîyê vînenê û semedê ke heme bajaran bikerê bajarê cinîyan xebatan domnenê û wina va: “Esasê têkoşîna ma zî têkoşînê hemverê şîdetê cinîyan ser o yo. Polîtîkayêka qirkerdişî yê ciddî est a. Kulturê mêrdeyî her cayî de domyeno. Semedê nê ma hewl danê wareyê azad virazê.”   ‘Do komunê cinîyan bêrê viraştiş’   Neslîhan Şedal dîyar kerd ke merkezê cuya cinîyan, merkezê piştîdayîşê cinîyan, kitabxaneyê berardişê cinîyan, merkezê cinîyan, koperatîf û wareyê cinîyan akerdî û wina domna: “Ma bi baldarî nê wareyî akerdî û ma bi taybetî ziwan, zafkulturî, bawerî ser o vindertî. Ma 5 herêmanê pîlot de yenê têhet û ma do bajarê cinîyan ser o vinderê. Ma do komunê cinîyan virazê. Do semedê vurnayîşê komelî akademî bêrê viraştiş. Demokrasîyêk bêcinî nêbeno. Her cayê ke cinî îrade bê do demokrasî zî bikewo cuyê.”