‘Zîhnîyetê 12ê Êlule dewam keno’

2025-09-12 15:57:30


	 

	 

	MERKEZÊ XEBERAN - Eşkerayîya ke bi wesîleya 45ine serrgêra derbeyê leşkerî yê 12ê Êlule 1980ine ame dayîş de, ame dîyarkerdiş ke netîceya derbeyî hema zî dewam kena û ganî ameyoxêk demokratîk bêro awankerdiş.

	 

	Partîya Herêman ê Demokratîkî (DBP) eşkerayîya xo de dîyar kerd ke 12ê Êlule bi taybetî zî hemverê îradeyê şarê kurdî de hêrişêk topyekûn o û va: ‘’Ewro  krîzê bîyaye ser o, binpaykerdişê ke yenê kerdiş, zextê sîyasî û cîyabîyayîşê komelî rêçê zîhnîyetê darbeyî est ê.’’

	 

	DBP’yî va: ‘’Qanûnêk Bingehîn ê demokratîk, sîstemê sîyasî yê zafpawitox û sîstemêk komelî yê adil do hemverê zîhnîyetê darbeyî bibê cewabo tewr baş.’’

	 

	Komeleya Heqê Merdiman (ÎHD) zî eşkerayîya xo de dîyar kerd ke Qanûnê Bingehîn ê 1982ine hema zî merîyet de yo û dîyar kerd ke otorîterbîyayîş, binpaykerdişê heq û zextê hukmî dewamê zîhnîyetê 12ê êlule yo. ÎHD’yî venga hukmatî kerd ke bi hawayêk rastîn derbe dir rî bi rî bêrê.