‘Ma do bi hêvîya aştîye wareyan de bê’ 

2025-08-29 12:08:24


	 

	STENBOL - Sîyasetmedarê ke hêvî û heyecanê ke vengdayîşê Rayberê Şarê Kurd Abdullah Ocalanî ra ame dayîş, îlham girewtê û vengdayîşê mîtîngî yê Kadikoyî yê 31ê tebaxe kerdî wina vatî: "Ganî ma semedê paştdayîşê nê vengdayîşî meydanan de bê. Ma venga her kesî danê ke semedê aştîye vengê xo berz bikerê."

	 

	Dimayê proseso ke Vengdayîşê Aştî û Komelê Demokratîkî yê Rayberê Şarê Kurdî Abdullah Ocalanî yê 27ê Sibate de dest pêkerd, seranserê pêro beşê komelî muhîmîya aştîye yeno munaqeşekerdiş, bi na mana 1ê êlule hetê şarî ra yeno pêşwazîkerdiş. Bajaranê Tirkîya û Kurdistanî de çalakî û mîtîngê tewir bi tewir do bêrê organîzekerdiş. Yew nê mîtîngan ke hetê Hêzê Kede, Aştî û Demokrasî yê Stenbolî ra yeno îdarekerdiş do 31ê Tebaxe de Meydanê Rîhtîmî yê Kadikoyî bêro organîzekerdiş. Oyku Dilara Keskin, endama heyetê îdareya bajarê Stenbolî ya Partiya Têduştî û Demokrasî (DEM Partî) û Sare Altay, endama Koordînasyonê Cinîyan ê Kongreya Demokratîke ya Şaran (HDK), derheqê mîtîngî û 1ê êlule de agahî da.

	 

	'Têkoşînê cinîyan hemverê mîlîtarîzmî pîl bîyo'

	 

	Oyku Dilara Keskin, qetî kerd ke tesîrê mîlîtarîzmî hîra yo û va, "Bi teşhîrkerdişê cenazeya Ekin Wan armanc o bî ke mesajêk cinîyan dir bişirawê, la cinîyan bi hêz û rêxistinêk pîlêr nê çî peyser ant. Şerêk pîl hemverê cinîyan ameyo kerdiş, la ma zanê ke ma bêçare nîyê. Nê semedî ra ma hewl danê ke têkoşînê azadîya cinîyan hîra bikerê. Fetwaya peyîn ya Îdareyê Karûbarê Dînî zî hêrişêk deskewtişê cinîyan bi la ma do reyke bîn têkoşînê xo xurt bikerê û vengê xo hemverê hewldayîşê hişmendîya serdest ê camêrdan semedê bêvengkerdişê ma hîn zêde berzêr bikerê. Ma hewl danê ke felsefeya 'Jin Jiyan Azadî' gane bikerê."

	 

	'Ma hêvîya ke vengdayîşî ra girewto de meydanan de bê’

	 

	Oyku Dilara Keskin dîyar kerd ke ê do bi hêvîya vengdayîşê ke meydanan ra girewtê meydanan de bê û va: "Ma bi têkoşînêk pîl pêşwazîya 1ê Êlule kenê. Sey Meclîsê Cinîyan ê DEM Partî, ma zincîrê aştîye yê cinîyan organîze kenê ke muhîmîyê proseso ke ma ciwîyenê bimojnê. Ma do meydanan de bê û biwazê ke dewlete game bierzo û berpirsiyarîyê dewlete bîyarê vîr. Ma do hemverê kiştişê cinîyan meydanan de bê. Ma do vengê xo yê semedê aştîye berz bikerê, vengdayîşê 27ê Sibate ko bikerê û ma cinî zî do aştîye awan bikerê. Vengdayîşê Birêz Ocalanî hêvîyêke wina dana ma ke bi hêvî û heyecanê ke nê vengdayîşî daya ma, ma do bi şîarê 'Ma vengê xo danê aştîye semedê komelêk demokratîk' meydanan de bê. Ganî ma pêro çalakîyanê 1ê Êlule de amade bê."

	 

	'Ma do destekdayîşê xo semedê awankerdişê aştîye bimojnê'

	 

	Sare Altay zî dîyar kerd ke do timî do destek bidê aştî û va: "Heta nika ma her cayî de aştîye ser o qisey kerd. Ma hewl da ke vengê xo her cayî de berz bikerê. La atmosfer semedê nê munasib bi. La eşkerayîya Birêz Abdullah Ocalanî eşkera bî ke her kes hewceyê aştîye yo. Tena Tirkîya de nê la raştî de her beşêk dinya semedê şert û mercê şikdar yê şerî hewceyê aştîye yo. Ganî ma rêza şerî bivurnê. Nê semedî ra ma 1ê Êlule Roja Aştiyê ya Dinya, sey rojêke vînenê ke paştdayîşê xo semedê awankerdişê aştîye bimojnê."

	 

	Dawetê semedê mîtîngê 31ê tebaxe

	 

	Sare Altay dîyar kerd mesajo ke kombîyayîşê pêro vejêno destekdayîş dano hewldayîşê Rayberê Şarê Kurdî Abdullah Ocalanî yê awankerdişê aştîye de, û venga beşdarbîyîşê mitîngî kerd û va: "Beşdarbîyayîşê şarî do nê mitîngî de bimojno ke ê çi temsîl kenê. Beşdarbîyayîşê mîtîngî ke Hêzê Kede Aştî û Demokrasî 31ê Tebaxe de Kadikoy de organîze beno de bimojnê ke her kes wayîrê vatişî yo. Sozo tewr pîl û erjaye yo aştî. Cinî şer ra tewr zêde tesîr benê, nê semedî ra bîyayîşê înan ê uca hîna bierj o. Ez her kesî dawetê mîtîngê Roja Aştîye ya Dinya ya Kadikoyî ya 31ê Tebaxe de yo kena."