
‘Ma semedê neslê ameyoxî aştî wazenê’

2025-08-27 09:11:09


	&nbsp;

	&nbsp;

	Rabîa Onver

	&nbsp;

	COLEMÊRG - Pinar Yilmaz, 31 serrî yo semedê pîyê xo Necmî Çaçano ke netîceya îşkenceyê giran dinyaya xo bedelnaye, têkoşînê muhakemekerdişê kiştoxan dana û bale ancena prosesî ser û va: "Muxatabê sereyîn yê prosesî Birêz Ocalan o. Ma bawerîya xo pê anê."

	&nbsp;

	Dimayê "Vengdayîşê semedê Aştî û Komelê Demokratîkî" yê Rayberê Şarê Kurdî Abdullah Ocalanî 27ê Sibate de, PKK'yî mabêne 5-7ê gulane de 12ine Kongreya xo organîze kerd. Qerarê kongre ke 12ê Gulane de raya pêroyî rê ame neqlkerdiş. Her ke munaqeşeyê derheqê prosesî de dewam kenê, pêro çimî gamanê ke dewlete û hukmat do semedê caardişê lazimîyan bierzê yo.

	&nbsp;

	Pinar Yilmaz, kênaya Necmî Çaçan ke 9ê Kanûna &nbsp;1993ine de dewa Duzce Alan ya qezaya Tetwanî ya Bedlîsî de netîceya îşkenceyê giranî de dinyaya xo bedelnaye, 31 serrî yo semedo ke edalet pê bêro têkoşîn kena. Pinar Yilmaz, derheqê averşîyayîşê siyasî de ajansê ma JINNEWS'î rê qisey kerd.

	&nbsp;

	Pinar Yilmaz dîyar kerd ke 50 serrî yo têkoşînêk pîl yeno dayîş û nê rayîrî de xeylêk kesan dinyaya xo bedelnayî û va: "Prosesêk est o ke bi vengdayîşê Birêz Abdullah Ocalanî dest pêkerdo. Her çiqas ma pêro dejêk pîl hîs kenê zî wezîfeyê ma yo ke ma destek bidê no têkoşîno ke hetê Rayberê Kurdî ra ameyo destpêkerdiş. Ma pêro baş zanê ke na game ra tepîya şer do tu qezenc nêdo."

	&nbsp;

	'Semedê neslê bêro aştî'

	&nbsp;

	Pinar Yilmaz dîyar kerd ke merdimê vînîbîyayeyan, Stenbol ra heta Colemêrg, bi serran o semedê aqûbetê heskerdoxanê xo têkoşîn kenê û wina va: "Bawerîya ma bi proseso ke hetê Birêz Ocalanî ra ameyo destpêkerdiş est a. Semedo ke Birêz Ocalan serranê 1990î ra nata nê hewldayîşî keno. Birêz Ocalan her game destê xo semedê aştî derg kerdo, vato ke şer qezenc nêkeno. Tewr peyîn serra 2014ine de, prosesêk ancî dest pêkerd, dima ra prosesê aştî reyke bîn vindarya."

	&nbsp;

	'Bawerîya ma bi Ocalanî est a'

	&nbsp;

	Pinar Yilmaz dîyar kerd ke çi destê aye ra bêro do bikero û va: "Ez venga hukmatî dana ke tewr lez dem de gamanê qerardarî bierzo. Bi taybetî komîsyon ganî şefaf bo. Ê vanê ke, 'ma samîmî yê', nê semedî ra ganî ê gamanê samîmî û cidî bierzê. Bawerîya ma bi Ocalanî yena. Ez bawer kena semedo ke ê kesê ke nê prosesî îdare kenê û yê ke ma ci dir qisey kenê yê. Birêz Ocalan no proses de muxatabo sereyîn o. Ma bawerîya xo pê anê û tena waştişê ma oyo ke aştî tewr lez demî de bica bêro."

	&nbsp;