Îran de tepişteyan rê îşkence 

2025-08-09 15:04:52


	 

	 

	MERKEZÊ XEBERAN - Rêxistina Heqê Merdimanê Îranî neql kerd ke Zîndanê Qerçekî bîyo cayê îşkenceyê cinîyan.

	 

	Rêxistina Heqê Merdimanê Îranî, derheqê rewşa tepişteyanê cinîyan ê Zîndanê Qerçekî yê Tehranî û îşkenceyo ke înan rê yeno kerdiş de eşkerayîyêke weşan kerd. Rêxistine neql kerd ke Zîndanê Qerçekî yê Tehranî bîyo cayê şîdetê sîstematîk û krîzê merdimayî.

	 

	Eşkerayî de sewbîna ame dîyarkerdiş ke cinîyê tepişteyî zîndan de bi hawayêko sîstematîk raştê îşkence yenê û zîndan bîyo sembolê îşkenceyê bêveng. Eşkerayî de ame vatiş ke demêk derg o zîndan de awe nîna dayîş, ceyran yeno birnayîş û xizmetê weşîye nîno dayîş û no zî cuya cinîyanê tepişteyan keno tehluke. Sewbîna ame dîyarkerdiş ke hîn tepişteyê sîyasî yê cinî demêk derg o problemê weşîye ancenê û nînê dermankerdiş.