‘Semedê aştîye ganî wareyê hunerî berpirsîyarî bigîro’ 2025-08-09 12:05:03     Rozerîn Gultekîn   STENBOL - Endama Înîsîyatîfa Hûnerî ya Semedê Aştîye, sînemagera belgefîlman Elîf Ergezen derheqê hêrişê hemverê hunerî û rola hunerî yê aştîye de qisey kerd û va: “Prosesê aştîye hema nişka ve ra dest pênêkerdo. Netîceyê bedelan de dest pêkerdo. Çi destê ma ra bêro ma do bikerê. Ma deyndarê kesê ke semedê aştîye dinyaya xo bedelnayî yê. Ma proses baş derbaz kenê, do her kes serkewte bo.”   Wareyê hunerî ke her tim beno hedefê polîtîkayê şerê taybetî, hemverê nê de hunermendî ameyî têhet û Înîsiyatîfê Hunerî yê Semedê Azadîye awan kerdî. Înîsiyatîf hemverê her tewir hêriş, sansur û otosansurî têkoşîn keno. Înîsîyatîf tewr peyîn Forumê Aştîye pê ard û semedê prosesê aştîye venga pêro kesî kerd. Endama înîsiyatîfê sînemagera belgefîlman Elîf Ergezen derheqê hêrişê hemverê hunerî û rolê cinîyan ê aştîye de qisey kerd.   ‘Înîsîyatîfê Hunerî yê Semedê Aştîye’   Elîf Ergezen dîyar kerd ke 2015ine ra heta nika semedê polîtîkayê şerî yê giran bîyê, komel dejê giran cuyayo û bêguman tesîr wareyê hunerî ser o zî kerdo û va: “Sîstemo ke şîdet her wareyî de bi hawayêko sîstematîk pê ard awan bî. Netîce de wareyê hunerî zî hêriş, sansur, otosansurî dir ame rî bi rî. Berardiş, viraştişê fîlman, nawitişê fîlman zehmet bî. Bi taybetî verê de hemverê hunermendanê kurdan, sînemagerê kurdî bi zext û sansur pîl bî. 10ê teşrîna verêne de pêro rêxistinê demokratîk, azadîwaz, komê demokratîkî, rêxistinê komelê sivîl Anqara de ameyî têhet û hemverê nînan de hêriş kerd. Çîyê ke Sûr de ameyî ciwîyayîş. Dejê pîlî ameyî ciwîyayîş. Bêzarbîyayîş û hêvî pîl bî. Nê semedî ra ma waşt ke ma nê înîsiyatîfî awan bikerê.”   ‘Ma êdî nêwazenê belgefîlmê şerî viraznê’   Elîf Ergezen tewr peyîn wina va: “Prosesê aştîye hema nişkava ra dest pênêkerdo. Netîceyê bedelan de dest pêkerdo. Vîrardişê nînan muhîm o. Welatê ma de azadîya fikr û fehmî çin o. Babeta azadîye de ganî ma hewl bidê. Ma sey kolektîf waşt hîn çîyan bikerê, bêrê têhet. Ma va, ma huner nê hetî ra senî bikerê. Ma nê ser de fikr û fehmî pare kerd. No zî muhîm û manayîn bî. Ma nêwazenê êdî belgefîlmê şerî viraznê. Zaneyîşê her dejî û qebûlkerdişê ci paştdayîş bidê awanbîyayîşê aştîye. Aştî do tesîrêk pîl hunerî ser o bikero. Ma binê zextê cidî de yê. Ma nêeşkenê berarde bikerê û qisey bikerê. Aştî do bi her kesî bido qezenckerdiş. Ganî ma bi sebir bê. Silam pêro kesê ke cuya xo dayê aştîye ser.”