Cîhan Bîlgîn ameye yadkerdiş 

2025-03-06 14:44:14


	 

	 

	MERKEZÊ XEBERAN - Xebatkarê ajansê ANHA'yî bi wesîleya 8ê Adare Roja Cinîyan ê Dinya, mûxabîra ANHA'yî Cîhan Bîlgîne gorê aye ser o, yad kerdî.

	 

	Bi wesîleya 8ê Adare Roja Cinîyan ê Dinya, xebatkarê cinî yê Ajansê Xeberan ê Hawarî (ANHA) serdayîşê gorê mûxabîra ma Cîhan Bîlgîne û rojnameger Nazim Daştan ke Pakrewangehê Şehîd Delîl Saruxan ê Qamişloyî de yê, kerdî. 

	 

	Xebatkarê ajansî, gulan dayî gorê herdi hevalanê ma û înan yad kerdî.

	 

	Mûxabîra ma Cîhan Bîlgîne û rojnameger Nazim Daştan 19ê Kanûna 2024ine de wexto ke hêrişê dewleta tirkan û çeteyê ci Awbendê Tişrînî û xoverdayîşê şervanan taqîb kerdêne, hêrişêk hewayî yê dewleta tirkan de dinyaya xo bedelnayî. 

	 

	Cîhan Bîlgîne, babetê cinî, çalakî û bernameyê înan sey babetê sereyînî rojevê xo weçînabî. Her serre bi wesîleya 8ê Adare dosyayê serê dejê cinîyanê dinya û destkewtişê cinîyanê Vakur û Rojhelatê Sûrîye amade kerdêne.