Baroyê Qersî reaksîyon vera tayînkerdişê qeyûmî mojna 2025-02-24 15:33:41       QERS - Baroyê Qersî ke reaksîyon vera tayînkerdişê qeyûmî yê Şaredarîya Qaxizmanî mojna û vat: “Nêbeno ke heqê weçînayîşî bi hawayêko keyfî werte ra bêro wedaritiş.”    Baroyê Qersî bi eşkerayîyêke nuşteyî reaksîyon vera tayînkerdişê qeyûmî mojna û vat: “Ganî sazgehê îdarekarîyê herêmî rasterast hetê temsîlkaranê şarî ra weçînayîşî ra bêrê îdarekerdiş. Labelê tayînkerdişê qeyûmî yê Şaredarîya Qaxizmanî, yena manaya çinhesibnayîşê îradeyê şarî û binpaykerdişê ercê demokratîk û dewleta huqûqî. Girewtişê wezîfeyî yê îdarekarî weçînitoxan, tena bi qerarê dadgehê xoserî ra eşkeno bêro kerdiş. Labelê caardişê qeyûmî yê welatê ma, hema prosesê hukmî temam nêbîyo, keweno merîyet.”    Baroyî, dewamê eşkerayîya xo de wina vat: “Nêbeno ke heqê weçînayîşî yê bi destûrê bingehîn û peymanê mîyanneteweyî ameyê pawitiş bi qerarê keyfî yê îdarî werte ra bêrê wedaritiş. Sey baroyêk ke serdestîyê huqûqî paweno, ma rayaumûmî ra vanê ke hemverê çinhesibnayîşê demokrasî û îradeyê şarî yê. Venga ma pêro huqûqnas, rêxistinê girseyî yê demokratîk û welatijê ke wayîrê îradeyê şarî û serdestîyê huqûqî vejîyê.”