
Atolyeya Hunerî de Roja Ziwanê Dayîke ame pîrozkerdiş 

2025-02-20 14:49:11


	&nbsp;

	&nbsp;

	AMED - Mudirîyê Kultur û Karê Komelî yê Şaredarîya Peyasî bi wesîleya 21ê Sibate Roja Ziwanê Dayîke ya Dinya de Atolyeya Hunerî de ‘Bernameyê Kultur û Ziwan’ organîze kerd.

	&nbsp;

	Bi wesîleya 21ê Sibate Roja Ziwanê Dayîke ya Dinya, Mudirîyê Kultur û Karê Komelî yê Şaredarîya Peyasî dîyar kerdibî ke do pîrozbayî bi xeylêk çalakîyê tewir tewir pîroz bikerê. Yew nê çalakîyan ra Atolyeya Hunerî, bi nameyê “Bernameyê Kultur û Ziwan” çalakîya pîrozbayî organîze kerd. Bernameyo ke ame organîzekerdiş, wendekarê Atolyeya Hunerî, keyeyê wendekaran û xeylêk hemwelatî başdar bîyî. Bername qiseykerdişê destpêkî yê Temsîlkarê Hemşaredarî Yilmaz Guneş dest pêkerd û wina vat: “Yew amancê bernameyî o yo ke pawitişê mîrasê ziwan û kulturî ma xebatanê xo zêde bikerê û aver berê. Nê semedî ra ma tena rojêke de nêverdenê û ma do her roje, her wareyî bikerê rojê pîrozbayîyê ziwan, heta ke no ziwan bibo ziwanê perwerdeyî…”&nbsp;

	&nbsp;

	Badê qiseykerdişê bernameyî, bi muhtewayêk dewlemend ê kulturî, sey; konser, tîyaytro, govende û musabaqayê ziwanî, pêşkêşê beşdaran ame kerdiş û bername peynî bî.

	&nbsp;

	&nbsp;