Îmraliyî de 144 binpaykerdişî ameyî tespîtkerdiş

2025-01-22 15:05:58


	 

	 

	 

	 

	STENBOL- ÎHD’ya Şûbeya Stenbolî ke derheqê zîndanê Herêma Marmarayî de raporê 3 aşmine de dîyar kerd ke zîndanan de 1572 binpaykerdişî ameyî tespîtkerdene, Zîndanê Îmraliyî de zî 144 binpêkerdişî ameyî tespîtkerdene.

	 

	Komeleya Heqanê Merdiman (ÎHD) Şûbeyê Stenbolî, zîndanê Herêma Marmarayî de binpêkerdişê ke aşmanê teşrîna verêne, teşrîna peyêne û kanûne de bîyê, bi kombîyayîşê çapemenîye ke komele de organîze kerd, eşkera kerd. Sereka ÎHD’yî ya Şûbeyê Stenbolî Gulseren Yolerî û endamê Komîsyonê Zîndanan Meral Nergîs Şahîne rapor eşkera kerd.

	 

	Goreyê raporê ke ame eşkerakerdene, 16 zîndanan de 48 muracatê binpaykerdişî ameyî kerdene ke 5 cinî, 43 camêrdî û 9 yê tepişteyê edlî, 39 yê tepişteyê sîyasî yê. Rapor de ameyo qeydkerdene ke muracatan û kontrolê çapemenîye ra 1572 binpaykerdişî ameyî tespîtkerdene. Binpaykerdişî ke ameyê kerdene wina yê; îşkence, darbkerdiş, muameleyo xirab, muameleyê bêhurmetî, binpaykerdişê heqê weşîye, heqê werdiş û şimitişî û binpaykerdişê resnayîşê awa pake, nêtemînkerdişê hewcedarîyanê pakîya şexsî.

	 

	‘Îmrali de 144 binpaykerdişî ameyî tespîtkerdiş’

	 

	Rapor de ameyo dîyarkerdene ke Hepisxaneyê Tîpê F ê Asayîşê Berzî yê Îmrali ke Rayberê PKK’yî Abdullah Ocalan tede yo, derheqê qedexeya zîyaretî de 144 binpaykerdişî ameyî tespîtkerdene. Rapor de ameyo îfadekerdene ke hepisxaneyê tîpê S, Y û yê berzî de tecrîdê giranî zêde kenê.

	 

	Peynîya rapor de nê îfadeyî ca gênê: “Netîce de; tecrîdo ke hîna zaf vila beno û beno daîmî, problemê ke resayîşê tedawî û weşîye de benê, bêedaletîya înfazî, îşkence, muameleyê xirabî, qedexe û tetbîqê keyfî û reyna zafê problemî ke krîzê ekonomîkî û xizanîya girewteyan ardo meydan û girewteyî bi zor û şertanê angarya de kar kenê, înan rê çareserîyêka bi leze lazim a.”