Tutan rê Perwerdeyê "Weşîya Fek û Didanan" ame dayîş

2024-12-06 14:08:47


	 

	 

	AMED- Şaredarîya Amedî ya Şaristanê Girdî, Kreşê Zarokîstanî û Keyeyanê Miqatbîyayîşê Rojkî de seba tutan Perwerdeyê Weşîya Fek û Didanan û Atolyeya Darên û Vurîyayîşî organîze kerd.

	 

	Merkezê Weşîye ke girêdayeya Serekîya Daîreya Karê Weşîye yo, Kreşê Zarokîstanî û Keyeyanê Miqatbîyayîşê Rojkî de Perwerdeyê Weşîya Fek û Didanan da. Salona ke tede pêşkêşî resiman reyde ame kerdiş, tede derheqê Weşîya Fek û Didanan de melumatî ameyî dayîş. 

	 

	Perwerdeyî de modelê didanan ser o pakîya fekî praktîk ame îzehkerdiş û tutan rê melumat ame dayîş ke ganî ê firçeyê nermî yê taybetî reyde didanan firçe bikerê û no kar tewr tay di deqayan biramo. 

	 

	Kreşan de tutan rê teber ra Perwerdeyê Weşîya Fek û Didanan, perwerdeyê pakî û kontrolê didanan zî ame kerdiş.

	 

	Atolyeya Darên û Vurîyayîşî

	 

	Serekîya Daîreya Xizmetanê Sosyalan zî seba tutê ke Zarokîstanan de perwerdeya xo vînenê aktîvîteyê cîya-cîyayan organîze kena. Atelyeya Darên û Vurîyayîşî ke Kreş û Keyeyê Miqatbîyayîşê Rojî yê 450 Keyeyan de organîze bîye, tutê keyeyanê xo reyde beşdar bîy. Atolyeyî de derheqê muhîmîya reynaxebitnayîşî, pawitişê derûdorî û şuxilnayîşê çimeyan ê hîna ekonomîkan de melumatî ameyî dayîş û xebatî ameyî kerdiş.