Meclîsê Cinîyan ê DEM Partî Dêrsim de kom beno

2024-12-04 13:57:05


	 

	 

	ANQARA - Meclîsê Cinîyan ê DEM Partîye hemverê tayînkerdişê qeyûmî yê şaredarî, Dêrsim de kom beno. Semedê tewrbîyayîşê pêvînayîşî venga cinîyan kerd.

	 

	 

	Meclîsê Cinîyan ê Partîya Têduştî û Demokrasî (DEM Partî) 7ê Kanûne de Dêrsim de pêvînayîşê cinîyan organîze keno. Meclîsê cinîyan semedê tewrbîyayîşî venga cinîyan kerd. Derheqê babete de eşkerayîyêke nuşteyî da. 

	 

	Eşkerayî de wina ame vatiş: "Pêwa hêrişê îdeolojîkî yê hemverê destkewtişê cinîyan û îradeyê cinî,  qeyûm tayîn kerdî. Bi vatişê hemserekî û temsîlîyetê têduştî xeta ma ya morî ya. Ma semedê pawitişê îrade, heq û destkewtişê xo xoverdayîşê xo pîl kenê.

	 

	Desteserkerdişê qeyûmî ser o, hemverê pêgirewtişê xoverdayîşê cinî yo. Ma Dêrsim ke sembolê xoverdayîşê îşxalkerdişî yo, cinîyan dir bêrê têhet û hemverê desteserkerdişê heq û destkewtişê xo bêveng nêmanê. Ma do xoverdayîşê xo bi berzkerdişê serewedaritişê herra Zarîfe û Besê pîl bikerî. Ma pêro cinî û rêxistinê cinîyan dawetê kombîyayîşê cinîyan kenê ke ma do 7ê kanûne de Dêrsimê organîze bikerê û îstismarkerdişê qeyûman rê vajê, nê. Oyo ke ser bikewê do xoverdayîşî meşrû yê şarî û cinîyan bo. Biciwîyo têkoşînê cinî, Jin Jîyan Azadî.”