Tepişteyê cinî do bikewê grevê vêşanîye 2024-12-02 15:41:15     MERKEZÊ XEBERAN - Tepişteyê cinî yê Îranî neql kerdî ke do hewteyê 45ine ê grevê vêşanîye yê kampanyaya roja sêşeme yê ‘Cezaya Dardekerdişî rê Nê’ de dest bi grevê vêşanîye bikerê.   Çarçewaya kampanyaya roja sêşeme ‘Cezaya Dardekerdişî rê Nê’ komêke tepişteyê cinî yê zîndanê Lakaniyê Reşîtî, cezaya dardekerdişî ser o eşkerayîyêke dayî.   Tepişteyê cinî eşkerayîye de neql kerdî ke zîndanê cinîyan ê zîndanê Lakaniyê Reşîtî ke beşdarê kampanya sêşeme yê ‘Cezaya Dardekerdişî rê Nê’  bîyî, hewteyê 45ine de goreyê demê vîyate de bi israr û verê tepişteyanê bînan beşdarê na çalakîya grevê vêşanîye benê.   ‘Bi yewîye û hewldayîşê şarî do cezaya dardekerdişî bêro vindarnayîş’   Dewam de wina ame vatiş: “Ma serê dewamîyê grevî de biisrar ê ke îradeyê xo yê têkoşînê hemverê dardekerdişî bimojnê. Ma a bawerîye de yê ke bi yewîye, hewldayîşê şarî û paştdayîşê şarî, cezaya dardekerdişî eşkena bêro vindarnayîş. Ma do hemverê dardekerdişî eynî wextî de semedê her tepişteyêk cezaya dardekerdişî ci rê ameye birnayîş, bidê vindarnayîş û têkoşînê xo dewam bikerê.”