
‘Ganî heqê hêvîye bêro şuxilnayîş’

2024-12-02 11:15:27


	&nbsp;

	Arjîn Yuksekbag

	&nbsp;

	ANQARA - Avûkate Sevda Çelîk Ozbîngol dîyar kerd ke tecrîdê Abdullah Ocalanî ser o kursîyê meclîsî de zî ameyo qebûlkerdiş û vat, ganî sererastkerdişê qanûnî yê derheqê ‘heqê hêvîye’ de lezkî bêrê kerdiş.

	&nbsp;

	Hemsereka Komîsyonê Huqûqî ya Partîya Têduştî û Demokrasî (DEM Partî) avûkate Sevda Çelîk Ozbîngol derheqê babete de qisey kerd û vat, semedo ke no heq bikewo cuye, ganî sererastkerdişê qanûnî bêrê kerdiş.

	&nbsp;

	‘Tecrîd merkezê problemanê pêroyî de yo’

	&nbsp;

	Sevda Çelîk Ozbîngol da zanayîş ke tecrîd tesîr her çî rê kerdo û muxatabê çareserî Abdullah Ocalan o û vat: “Tecrîdê Îmraliyî birêz Ocalanî ser o yeno kerdiş, problemanê pêroyî awan keno. Waştiş, îfade û vatişan de semedê wedaritişê tecrîdî yo. Ma nê muhîm vînenê. Ganî Birêz Ocalan tewrê nê prosesî bibo û mîsyonê xo yê çareserîya meseleyan de pê bîyaro.”

	&nbsp;

	‘Tecrîd Birêz Ocalanî ser o dewam keno’

	&nbsp;

	Sevda Çelîk Ozbîngol dewam de wina vat: “Tecrîdê Birêz Ocalanî û ferzkerdişê sererastkerdişê qanûnî yê derheqê heqê hêvîye de vejîyayê vernîya ma. Ma wazenê ke no proses serê yew çî de dewam bikero. No pêro komelî eleqeder keno. Ganî xebatêke parlamenteran ê meclîsî, tewrbîyayîş, pêro sazgehê komelî û înîsîyatîf tewrê prosesî bibê. Tecrîd tena Birêz Ocalanî eleqedar nêkeno. Tecrîd, tesîr pêro hetan ser o keno.”

	&nbsp;

	'Ganî alternatîfê muebetî heqê hêvîye bo'

	&nbsp;

	Sevda Çelîk Ozbîngol wina qal kerd: “Prosesêk mexdurîyetê heqî est o. Heqê hêvîye semedê heqê tepişteyê ke rojêke azad bibê, ameyo awankerdiş. Ganî alternatîfê muebetî, heqê hêvîye bibo. Semedê nê ganî sererastkerdişê qanûnî bêrê kerdiş. Ganî hemkarbîyayîşê sîyasî bibê. Ganî qanûnî bêrê vetiş. Hetê sererastkerdişê qanûnî yê derheqê heqê hêvîye de wezîfe aîdê meclîsî yo.”

	&nbsp;

	‘Ganî cewab bidê muracatê hemserekê ma’

	&nbsp;

	Sevda Çelîk Ozbîngol dîyar kerd badê pêvînayîşê ke Omer Ocalanî, Abdullah Ocalanî dir kerd hemserekê DEM Partîye zî muracat kerdî û vat: “Ercnayîşê nê muracatî muhîm o. Ganî cewabêk pozîtîf bidê hemserekanê ma. Ganî semedê aştîye her kes berpirsyarî bigîro xo ser. Ganî her kes xo berpirsîyar hîs bikero, înîsîyatîf bigîro û paştdayîş bidê awankerdişê aştîye.”

	&nbsp;