Heyeta Îmraliyê wê roja Înê diçe Îmraliyê 

2026-03-26 12:48:27


	 

	ENQERE - Hate ragihandin ku Heyeta Îmraliyê ya DEM Partiyê wê 27'ê Adarê roja Înê serdana Îmraliyê bike û bi Rêberê Gelê Kurd Abdullah Ocalan re rûnê.

	 

	Berdevka Partiya Demokrasî û Wekheviyê ya Gelan (DEM Partî) Ayşegul Dogan li navenda giştî ya partiya xwe civîneke çapemeniyê lidar xist.

	 

	Ayşegul Dogan anî ziman ku endamên Heyeta Îmraliyê Pervîn Bûldan, Mîthat Sancar û ji parêzerên Buroya Hiqûqê ya Sedsalê Faîk Ozgur Erol wê roja Înê li Îmraliyê hevdîtinê bi Rêberê Gelê Kurd Abdullah Ocalan re bikin.