Li Rihayê tundiya mêr: Jinek û kurê wê hatin kuştin 

2025-12-27 16:17:02


	 

	NAVENDA NÛÇEYAN - Ramazan Sagir jina pê re hatibû zewicandin û kurê xwe bi çek kuşt.

	 

	Li navçeya Siverek a Rihayê, Ramazan Sagir (65) jina pê re hatibû zewicandin Îmhan Sagir (65) û kurê xwe Ramazan Sagır (29) bi çekê kuşt.

	 

	Li ser agahîdayîna derdorê, tîmên cendirme û bijîşkî sewqî cihê bûyerê hatin kirin.

	 

	Îmhan Sagır û kurê wê Ramazan Sagır di rêya nexweşxaneyê de di ambulansê de jiyana xwe ji dest dan.

	 

	Ramazan Sagir ku piştî bûyerê hewl da bireve, hate girtin û binçavkirin.

	 

	Derbarê bûyerê de lêpirsîn hate destpêkirin.