NAVENDA NÛÇEYAN-Tevgera Çanda Jinên Hîlala Zêrîn û TEV-ÇAND’ê bi boneya salvegera 33’yemîn a şahadeta Gurbet Aydin (Mizgin) şahiyeke bibîranînê organîze kir.

 

Tevgera Çanda Jinên Hîlala Zêrîn û TEV-ÇAND’ê bi boneya salvegera 33’yemîn a şahadeta Hozan Mizgîn (Gurbet Aydın), bi dirûşma "Em ê bi rihê 11'ê Gulanê û hunera şoreşgerî civaka demokratîk ava bikin û azadiya fîzîkî ya Rêber Apo misoger bikin" li hola Serdem a Cand û Hunerê ya bajarê Hesekê şahiyeke bibîranînê li dar xist.

 

Endamên sazî û dezgehên Rêveberiya Xweser, Meclisa Malbatên Şehîdan, ji bajar û bajarokên Til Temir, Dirbêsiyê, Til Birak û Hesekê gelek kes di şahiyê de amade bûn.Di salona şahiyê de cihekî taybet ji wêneyên Rêberê Gelê Kurd Abdullah Ocalan, şehîd Hozan Mizgîn, şehîd Sirri Sureyya Onder, şehîdên Çand û Hunerê re hatibûn veqetandin.

 

Di şahiyê de piştî deqeyek rêzgirtin têkildarî jiyan û têkoşîna Hozan Mizgîn sînevîzyonek pêşkêşkirin.Rêvebera Tevgera Çanda Jinên Hîlala Zêrîn a bajarê Hesekê Nebîha Mihemed axivî.

 

Nebîha Mihemed di axaftina xwe de qala kesayet û têkoşîna Hozan Mizgîn kir û destnîşan kir ku ew ê heya dawî li pey şopa şehîd Mizgîn û hemû şehîdên şoreşê bin.

 

Bername bi dirûşmeyên ‘şehîd namirin’ bidawî bû.