Kovara Jinê têkoşîna jinên êzidî kir manşeta xwe

2026-08-02 10:47:25


	 

	NAVENDA NÛÇEYAN - Hejmara 179’an a Kovara Jinê bi berga ‘Jinên Êzidî: Ji Jenosîdê heta îradeya damezrîner’ derket pêşberî xwendevanên xwe. 

	 

	Di hejmara nû de jenosîda ku di 3’ê Tebaxa 2014’an de li Şengalê li dijî gelê Êzidî pêk hat; ji bilî komkujî, dîlgirtin, koçberkirina bi darê zorê û windabûnên ku jinan jiyane, bi berxwedan û îradeya damezrîner a jinên Êzidî yên ku bîranînê zindî dihêle, têkoşîna edaletê mezin dike, xweparastinê bi pêş dixe û jiyanê ji nû ve ava dike, bi aliyên cuda digre dest. Her wiha di kovarê de 5 dosyayên berfireh ên ji aliyên hiqûqî yên jenosîde bigre heta nîqaşên li ser rastiya jinan û jiyana azad jî cih digrin.

	 

	Sernavên di hejmara nû de wiha ne:

	 

	*Ji Qada Şer ber bi Biryardariyê ve: Jinên Êzidî / Cemîle Turhalli

	 

	*Li Şengalê Piştî Jenosîdê Têkoşîna Jinên Êzidî ya Ji Nû Ve Avakirina Bîr û Jiyanê / Devrîm Demîr

	 

	*Kirdeyên ku ji Perçeyên Qirkirinê Şîn Dibin: Jinên Êzidî / Bêrîtan Zagros

	 

	*Sala 12’yemîn a Salvegera Jenosîda Êzidiyan: Heta Edalet Pêkneyê Birîn Nayê Kewandin / Heval Arslan

	 

	*Ji Biyanîbûnê ber bi Rizgarbûnê ve: Heqîqeta Jinan û Îradeya Damezrîner / Wenda Dursend