
Şamirana ji aliyê qeyûm ve hatibû girtin, ji nû de hat verin

2025-11-16 17:57:05


	&nbsp;

	&nbsp;&nbsp;

	WAN- Navenda Jiyan û Hevgirtinê ya Jinan a Şamîranê ya ji aliyê qeyûm re hatibû girtin, ji nû ve hate vekirin.

	&nbsp;

	Navenda Jiyan û Hevgirtina Jinan a Şamîramê, ku berê ji aliyê Rêveberiya Polîtîkayên Jinan a Şaredariya Bajarê Mezin a Wanê ve ji bo xizmeta jinên li taxa Suphan hatibû vekirin, ji aliyê qeyûm ve hate girtin. Şaredariyê navend ji nû ve vekir, ku niha li taxa Şabaniyeyê ye, da ku xizmeta jinan bike.

	&nbsp;

	Beriya vekirinê, jinan li ber erbaneyê govend gerandin. Sevim Baş, Hevseroka Navçeya Artemêtê ya DEM Partiyê, axaftina vekirinê kir û xwest ku vekirina navendê ji bo hemû jinan sûdmend be û got: "Tekane rêya têkoşîna li dijî şîdeta mêran a zêde dibe, hevgirtina jinan e."

	&nbsp;

	Hevşaredara Şaredariya Artemêtê Rabia Başak Koç got: "Şamîram, ku pêdiviyên civakî, çandî û şêwirmendiyê yên jinên li taxa Suphan pêk dianî, bi tayînkirina qeyûm hate girtin. Jin bûn qurbanî. Îro, dema ku em nêzî 25'ê Mijdarê dibin, em serbilind in ku deriyên Şamîramê bi hêzek mezintir ji nû ve vedikin."

	&nbsp;

	Dayika Aştiyê Hediye Koçak jin silav kir û xwest ku Şamîram bibe cihê aştî û hevgirtinê.

	&nbsp;

	Parlamentera Wanê Gulderen Varli di vekirinê de axivî û girîngiya têkoşîna jinan destnîşan kir û got, "Jin li meydanan dengê xwe bilind dikin. Em bi têkoşînek hîn mezintir dikevin 25'ê Mijdarê. Rojîn Kabaiş di encama şîdeta mêran de hat kuştin. Têkoşîna jinan dê sûcdaran derxe holê."

	&nbsp;

	Hevşaredara Bajarê Mezin a Wanê Neslîhan Şedal, soza xwe ya ji dema hilbijartina xwe ve ku bi jinan re bajar bi hev re birêve bibe bi bîr xist û got: "Me hemû karên xwe ji perspektîfa jinan pêk anîn. Me Şamîram vekir da ku jin bikaribin xwe azad bikin, dîroka xwe lêkolîn bikin û xwe birêxistin bikin. Yek ji kiryarên yekem ên qeyûma ku di 15'ê Sibatê de hatibû tayînkirin, girtina navendên jinan bû. Şamîram yek ji wan navendên ku hatibûn girtin bû. Îro, em wan bi biryardariyek hîn xurttir ji nû ve vedikin. Bila were zanîn ku em bê alternatîf nînin; têkoşîna jinan bê alternatîf nîne."

	&nbsp;

	&nbsp;

	&nbsp;

	Piştî axaftinan Şamiran hat vekirin

	&nbsp;